Гулгаатай замд хурд хэтрүүлэхгүй зорчихыг анхааруулж байна

Тээврийн цагдаагийн албанаас гаргасан мэдээгээр өчигдөр (2026.02.21) өглөөний 07:30 цагийн байдлаар орон нутгийн зарим аймагт цас орж, замын зорчих хэсэгт гулгаа үүссэн байна. Төв, Хөвсгөл, Орхон, Баянхонгор, Архангай, Өвөрхангай Ховд, Увс, Булган аймгийн нийт нутгаар цас орж, цасаар шуурсан тул замын гулгаа үүсчээ. Завхан, Сэлэнгэ, Дархан-Уул, Говь-Алтай аймгийн нийт нутгаар цас орж зам гулгаа үүссэн байна. Мөн Дундговь, Говьсүмбэр, Дорноговь аймагт хүйтэн салхитай, цасаар шуурч зам гулгаа үүссэн. Хэнтий, Сүхбаатар аймагт бага зэргийн цас орж, хүйтэн салхитай зам гулгаа үүссэн байна.

Бусад нутгаар цаг агаар тогтуун, хур тунадас ороогүй, тэнгэр цэлмэг, хүйтэн салхитай байна. Температур -11…-33 хэм хүртэл хүйтэн байна. Улмаар цас, гулгаатай замд болгоомжтой, хурд хэтрүүлэхгүй зорчихыг жолооч нарт анхааруулж байна.