Улсын хэмжээнд 52 сум цагаан зудтай байна

Улсын хэмжээнд 11 аймгийн 52 сум цагаан зудтай, 14 аймгийн 61 сум цагаанаар зудархуу байна. Увсын Хяргас, Өндөрхангай, Ховд, Зүүнговь, Түргэн, Малчин, Цагаанхайрхан Ховдын Алтай, Үенч, Булган, Завханы Цэцэн-Уул, Тэс, Баянхайрхан, Баянтэс, Нөмрөг, Эрдэнэхайрхан, Хөвсгөлийн Цэцэрлэг зэрэг сумдын нутгаар цагаан зудтай.

Харин Баян-Өлгийн Сагсай, Увсын Зүүнхангай, Өмнөговь, Тэс, Баруунтуруун, Давст, Сагил, Тариалан, Завханы Ургамал, Түдэвтэй, Сонгино, Тэлмэн, Цагаанхайрхан, Цагаанчулуут, Отгон зэрэг сумдын нутгаар цагаанаар зудархуу байгааг Цаг уур, орчны шинжилгээний газраас мэдээллээ.