​МҮЭХ Ерөнхий сайдад багш, эмч нарын цалингийн нэмэгдэлтэй холбоотойгоор шаардлага хүргүүллээ

МҮЭХ-ноос Ерөнхий сайд Г.Занданшатарт багш, эмч нарын цалингийн нэмэгдэлтэй холбоотойгоор  шаардлага хүргүүллээ. Монголын боловсролын салбарын үйлдвэрчний эвлэлийн холбоо болон Эрүүл мэндийн үйлдвэрчний эвлэлийн холбоо хамтран  Засгийн газартай хэлэлцээ хийж цалинг нэмэгдүүлэх шийдвэр гаргасан.  Үндсэн цалинг энэ оны нэгдүгээр сараас эхэлж нэмсэн ч Засгийн газрын тогтоол шийдвэрүүдийн хоорондын уялдаагүй байдал цалин хөлсний алдаатай тооцооллоос болж багш, эмч нарын зарим нэмэгдлийг олгохгүй байгаа нь цалинг нэмэх бус хасаж олгож байна гэж үзжээ.