Нийслэлд 2.5 тонн өвс байршуулсан байна

Богдхан уулын дархан цаазат газрын хамгаалалтын захиргаанаас Нүхтийн аманд 50, Хүрхрээгийн ам дахь хоёр хэсэг газар 40, Манзуширын аманд 30 боодол өвс тавьжээ. Нийт 120 боодол буюу 2.5 тонн өвс байршуулсан байна.

Амьтны тухай хуульд заасны дагуу зэрлэг амьтны амьдрах орчныг сайжруулах, хамгаалах, тоо толгойг хамгаалах идэш тэжээлийн хомсдолоос сэргийлэх зорилгоор Богдхан уулын дархан цаазат газарт биотехникийн арга хэмжээ авах цэгийг хөхтөн амьтны тархац судалгааг үндэслэн тогтоосон.  Энэхүү судалгаагаар 14 цэгийг тогтоож өнгөрсөн оны 11 дүгээр сарын сүүлээс эхлэн долоо хоногийн давтамжтай тухайн цэгүүдэд биотехникийн арга хэмжээ авч ажиллаж байгаа юм.