Чингэлтэй дүүрэгт гарсан гал түймрийг шуурхай унтрааж, хоёр хүүхдийг аюулгүй гаргажээ

Улаанбаатар хотын Чингэлтэй дүүргийн 19 дүгээр хороонд байшин шатаж байна гэсэн дуудлага 2026 оны 01 дүгээр сарын 19-ний өдрийн 10:17 цагт Онцгой байдлын байгууллагад ирсэн байна.

Дуудлагын дагуу Сүхбаатар дүүргийн Онцгой байдлын хэлтсийн 34 дүгээр ангийн алба хаагчид шуурхай очиход иргэн Б-ийн эзэмшлийн 7х7 метрийн хэмжээтэй байшингийн 3х2 метрийн хэмжээтэй галлагааны өрөөний дээврийн хэсэг шатаж байжээ.

Алба хаагчид галыг богино хугацаанд унтрааж, утаажилтын бүсэд байсан хоёр хүүхдийг аюулгүй газарт гарган, амь нас, эрүүл мэндийг нь хамгаалсан байна. Гал түймрийн улмаас хүний амь нас хохироогүй бөгөөд нөхцөл байдлыг бүрэн хяналтанд оруулжээ.

Иргэд галын аюулгүй байдлыг хангаж, ялангуяа галлагаа, яндан зуухны бүрэн бүтэн байдлыг тогтмол шалгаж байхыг Онцгой байдлын байгууллагаас анхааруулж байна.

Write to О. Аззаяа