​Улаанбурхан өвчний батлагдсан тохиолдол хоёроор нэмэгджээ

Улаанбурхан өвчний батлагдсан тохиолдол хоёроор  нэмэгджээ. Эмнэлэгт 24 хүн хэвтэн эмчлүүлж байна. ХӨСҮТ-д 11 хүн, хөдөө орон нутагт  12 хүн хэвтэн эмчлүүлж байгаа аж. Харин гэрийн хяналтад 23 хүн байгаа юм байна. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 5179 хүрсэн байна. Мөн 0-4 насны 3276, 5-9 насны 1800 хүүхэд, 15-19 насны 1745 хүүхэд улаанбурханаар өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн програмд бүртгүүлээрэй. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалаарай.