Манай улсад ДОХ-ын халдварын тоо 426-д хүрчээ

ХӨСҮТ-ийн ДОХ, БЗДХ-ын тандалт судалгааны тасгийн эрхлэгч П.Үнэнчимэг EAGLE телевизийн тусгай сурвалжилгад өгсөн мэдээллээр 2024 онд 19 тохиолдол бүртгэгдэж байсан бол 2025 онд энэ тоо 38 болж өсжээ.

Сүүлийн жилүүдэд Хүний дархлал хомсдлын вирусын (ДОХ) 2025 оны 11 дүгээр сарын байдлаар нийт бүртгэгдсэн тохиолдлын тоо 426-д хүрсэн байна.

Манай улсад 1992–2004 оны хооронд ердөө 5 тохиолдол бүртгэгдэж байсан бол 2005–2012 онд 116, 2019 онд 281, харин 2025 оны 11 дүгээр сар гэхэд 426 болж огцом нэмэгдсэн байна. Үүнээс 68 нь Монгол Улсад оношлогдсон гадаадын иргэд юм.

Нийт бүртгэгдсэн 426 тохиолдлын 70 орчим хувь нь нас барсан гэсэн тооцоо гарчээ. Мөн энэ онд шинээр илэрсэн 38 тохиолдлын 12 нь эмчилгээний хяналтаас гарч, сураггүй болсон тул холбогдох байгууллагууд болох ТЕГ, ЦЕГ, ЭМЯ хамтран эрэн сурвалжилж байна.

Бүртгэгдсэн тохиолдлуудын 83 хувь нь эрэгтэй, 14.6 хувь нь эмэгтэй, 2.4 хувь нь трансжендер хүмүүс байна.

Эрсдэлтэй бүлгийн тоон мэдээллийг авч үзвэл, 2022 оны байдлаар эрчүүдтэй бэлгийн харьцаанд ордог эрчүүд 7,481, эмэгтэй биеэ үнэлэгчид 7,333, трансжендер хүмүүс ойролцоогоор 800 байгаа гэсэн судалгаа байна.