Хөгжлийн бэрхшээлтэй иргэнийг залилан 60 орчим сая төгрөгийн зээл авчээ

Нэр бүхий байгууллагын хоёр ажилтан хамт ажилладаг хөгжлийн бэрхшээлтэй иргэнийг залилж, түүний нэр дээр 60 гаруй сая төгрөгийн цахим зээл авчээ.

Тодруулбал, уг хэрэг 2024 оны тавдугаар сарын 15 ний өдөр сэжигтнүүд “Бид чамайг газартай болгож өгнө” хэмээн итгүүлж, тухайн өдрөө Хаан банкнаас 15,600,000 төгрөгийн зээл авсан байна.Ингээд хоёр сар орчмын дараа таван арилжааны банкнаас нийт 61,347,200 төгрөгийн цахим зээлийг гаргуулсан байна. Зээлүүд нь бүгд цахимаар олгогдсон бөгөөд хохирогч иргэн тухайн үед энэ талаар ямар ч мэдээлэлгүй байжээ.

Хохирогч 2024 оны зургаадугаар сарын 5-нд Сонгинохайрхан дүүргийн цагдаагийн хоёрдугаар хэлтэст өргөдөл гаргасан боловч одоог хүртэл шийдвэрлэгдээгүй байгаа аж. Мөн хэргийг хариуцсан цагдаагийн алба хаагч утсаа таслан, холбоо барих боломжгүй болсон, өмгөөлөгч нь ч үүргээ хангалттай биелүүлэхгүй байгаа талаар хохирогч гомдолтой байгаагаа илэрхийлжээ.