​2 настай охин PDA ligation оношоор мэс засалд амжилттай орж эмнэлэгээс гарлаа ​

Орхон аймаг Баян-Өндөр суманд оршин суудаг 2 настай бяцхан охин PDA ligation оношоор зүрхний төрөлхийн гажиг засах мэс засалд амжилттай орж 2025.12.21 өдөр эмнэлэгээс гарлаа

"Зүрхний төрөлхийн гажиг" оноштой зорилтот бүлгийн хүүхдүүдэд эрүүл мэндийн цогц үйлчилгээг үзүүлэх зорилго бүхий тус төслийг 2020 оноос эхлэн хэрэгжүүлж эдүгээ 5 дахь жилдээ амжилттай үргэлжлүүлж байна. Олон улсын статистик үзүүлэлтээс харахад 1,000 төрөлт тутмын 8-д "Зүрхний төрөлхийн гажиг" оноштой хүүхэд мэндэлдэг бол 2020 оны байдалаар Монгол улсад 100 төрөлт тутмын 1-2-д зүрхний дутуу хөгжилтэй хүүхэд мэндэлж буй харамсалтай тоон үзүүлэлт бүртгэгдсэн байдаг. Эрүүл мэндийн тусламж үйлчилгээний хүртээмжийг нэмэгдүүлэхийн тулд Төслийн багийн бүрэлдэхүүн (эмнэлзүйн бие бүрэлдэхүүн+төслийн дэмжигч гишүүдээс бүрддэг) алслагдмал аймаг, сумдад хүрч очин орон нутгийн эрүүл мэндийн байгууллагуудтай хамтран үнэ төлбөргүй үзлэгийг хийдэг. 2025 оны байдлаар Төслийн бүрэлдэхүүн Монгол улсыг 3 дахь удаагаа тойрч байна. Төслийн хүрээнд зөвхөн Монгол улсын иргэдээр хязгаарлагдахгүйгээр нэн зайлшгүй туслалцаа шаардлагатай байгаа олон улсын хүүхдүүдэд эрүүл

мэндийн үйлчилгээг хүргэдэг. 2025 оны байдалаар Тува, Киргизстан, Афганистан, Бутан зэрэг улсын хүүхдүүдийг төсөлд хамруулж амьдрал бэлэглэсэн байна.