Олон улсын аялал жуулчлал, бизнес, маркетингийн үзэсгэлэн зохион байгуулагдлаа

Бүгд Найрамдах Хятад Ард Улсын Хайнань мужийн Хайкоу хотод 2025 оны 12 дугаар сарын 19–21-ний өдрүүдэд China International Travel Mart (CITM) олон улсын аялал жуулчлалын бизнес, маркетингийн хамгийн том үзэсгэлэн зохион байгуулагдлаа.

Тус үзэсгэлэнд Соёл, спорт, аялал жуулчлал, залуучуудын яамны дэмжлэгээр Аялал жуулчлалын мэргэжлийн холбоо (АЖМХ) болон АЖМХ-ны Хятад зах зээлийн салбар холбоо хамтран оролцлоо.

Ази тивийн аялал жуулчлалын салбарын тэргүүлэх арга хэмжээ болох тус үзэсгэлэнд 101 улс, бүс нутгаас төлөөлөл оролцож, олон улсын болон дотоодын аялал жуулчлалын байгууллага, агентлагууд, үйлчилгээ үзүүлэгчид нэг дор чуулав. Энэ удаагийн CITM-д 1000 гаруй бизнес оператор, компани оролцож, салбарын хамтын ажиллагаа, шинэ бүтээгдэхүүн, зах зээлийн чиг хандлагыг танилцууллаа.

CITM-2025 үзэсгэлэнд Монгол Улсаас дараах байгууллагууд оролцож, аялал жуулчлалын бүтээгдэхүүн, үйлчилгээ, соёлын өвийг олон улсад сурталчиллаа.