Сүхбаатар дүүрэгт сэлэнгэ аймгийн баянгол сумын итх-ын дарга, итх-ын төлөөлөгчид зочиллоо

Сэлэнгэ аймгийн Баянгол сумын ИТХ-ын дарга Ц.Сүхбаатар болон ИТХ-ын төлөөлөгчид, ИТХ-ын нарийн бичгийн дарга нарын бүрэлдэхүүнтэй зочид төлөөлөгчид 2025 оны 03 дугаар сарын 28-ны өдөр Сүхбаатар дүүрэгт зочиллоо.

Зочид төлөөлөгчдийг дүүргийн ИТХ-ын нарийн бичгийн дарга бөгөөд ажлын албаны дарга Ц.Осорваань, дүүргийн 1 дүгээр хорооны иргэдийн Нийтийн Хурлын дарга Б.Чулуунбаатар нар хүлээн авч уулзлаа.
Уулзалтын үеэр дүүргийн ИТХ-ын нарийн бичгийн дарга бөгөөд ажлын албаны дарга Ц.Осорваань дүүргийн иргэдийн Төлөөлөгчдийн Хурлын үйл ажиллагаа, бүтэц зохион байгуулалт болон Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн хэрэгжилт, дүүргийн ИТХ-ын сайн туршлагын талаар танилцууллаа.
Дүүргийн 1 дүгээр хорооны иргэдийн Нийтийн Хурлын дарга Б.Чулуунбаатар нь Сэлэнгэ аймгийн Баянгол сумын анхны иргэдийн Төлөөлөгчдийн Хурлын даргаар ажиллаж байсан юм.
Мөн Сэлэнгэ аймгийн Баянгол сумын ИТХ-ын төлөөлөгчид 3 дугаар сарын 27-28-ны өдрүүдэд Улаанбаатар хотод Монголын Нутгийн Удирдлагын холбооноос зохион байгуулсан төлөөлөгч нарыг чадавхжуулах сургалтад хамрагдсан байна.