БНСУ-ын сөүл хотын нувон дүүргийн итх-ын дарга, төлөөлөгчид зочиллоо

Сүхбаатар дүүргийн ИТХ-ын даргын урилгаар БНСУ-ын Сөүл хотын Нувон дүүргийн ИТХ-ын дарга Сон Ёнжүн тэргүүтэй ИТХ-ын төлөөлөгчид 2025 оны 06 дугаар сарын 23-ны өдөр Сүхбаатар дүүрэгт зочиллоо.

Нувон дүүргийн зочид төлөөлөгчдийг дүүргийн ИТХ-ын дарга Х.Нямдагва, ИТХ-ын төлөөлөгч Л.Мөнхтүвшин, Г.Даваацэцэг, С.Нэргүй, ИТХ-ын нарийн бичгийн дарга бөгөөд ажлын албаны дарга Ц.Осорваань болон ГХУСАЗСЗ-ийн нарийн бичгийн дарга Д.Батдулам нар хүлээж авч уулзлаа.
Энэ үеэр ИТХ-ын нарийн бичгийн дарга бөгөөд ажлын албаны дарга Ц.Осорваань БНСУ-ын Сөүл хотын Нувон дүүргийн төлөөлөгчдөд дүүргийн ИТХ-ын үйл ажиллагааг танилцууллаа.

Мөн Сүхбаатар дүүргийн иргэдийн Төлөөлөгчдийн Хурлын дарга Х.Нямдагва, БНСУ-ын Нувон дүүргийн иргэдийн Төлөөлөгчдийн Хурлын дарга Сон Ёнжүн нар хоёр дүүргийн цаашдын найрамдалт хамтын ажиллагааг бэхжүүлэх, эдийн засаг, соёл урлаг, спортын чиглэлээр хамтарч ажиллах, харилцан хөгжүүлэх “Хамтын ажиллагааг өргөжүүлэх санамж бичиг”-т харилцан тохиролцож гарын үсэг зурлаа.