УИХ-ын тогтоолыг батлуулахын тулд олон нийт анхаарлаа сулруулахгүй шахаж, хянах шаардлагатай

Оюутолгойн сонсголын дараа хийгдэх ёстой нэг том ажил бол УИХ-аас гаргах тогтоол. Сонсголын үеэр тогтоолыг ирэх долоо хоногт батална гэж байсан. Өчигдөр батлагдана гэж мэдээлж байсан ч яагаад юм баасан гаригийн хэлэлцэх асуудал руу орсон. Хэдийгээр өчигдөр Монгол банкны ерөнхийлөгч, элчин сайдууд гээд асуулт хариулт ихтэй томилгоонууд явагдаад баасан руу шилжсэн байж болох ч Оюутолгойтой холбоотой асуудлыг хэлэлцэх үед ямар нэг байдлаар саад тотгор дандаа гардаг байсан учраас энэ удаад ямар нэг эрх ашиг байна уу гэсэн хардлага төрж байна. Иргэд олон нийт энэ УИХ-ын тогтоолын төслийг батлагдтал бас Засгийн газар хэрэгжүүлж шийдвэр гартал улстөрчдөөс нэхсээр байх хэрэгтэй. Хэрэв өнөөдөр энэ тогтоол батлагдахгүй цаад талын лобби орж гэж хардахаас аргагүй.
Ер нь өнгөрсөн 16 жилийн хугацаанд энэ төслөөс монголчууд үр өгөөж хүртэж чадаагүй цаад шалтгаан бол улстөрчдийн санаатай, санамсаргүй нь мэдэгдэхгүй элдэв алхмууд. Гэхдээ нэг ялгаатай нь олон нийт тэднийг яаж ажилладагийг мэддэг болсон учраас анхааралтай ажиглаж, хянаж чадна.
Сонсголын үр дүн бол сайжруулах хууль тогтоомжоо гаргаж, түүнийг баримтлан ажиллах Засгийн газрын дараа дараагийн алхмууд учраас олон нийт ч анхаарлаа ч сулруулахгүй, шахаж шаардаж хэрэгтэй байна.
Хүлээгдэж байгаа Оюутолгойн сонсголын дараах тогтоол хэрэв орж ирэхгүй бол хэн хэний лоббигоор орж ирэхгүй байгааг олж тогтоох хэрэгцээ үүснэ.