Тээврийн хэрэгсэл жолоодсон 31 905 зөрчил бүртгэгдэж 90 хүн амиа алдаж, 227 иргэн гэмтсэн байна

Шинэ жилийн баяртай холбоотойгоор согтуугаар тээврийн хэрэгсэл жолоодох зөрчил эрс нэмэгдсэнийг Тээврийн цагдаагийн албанаас сэрэмжлүүллээ.

2025 оны эхний 11 сарын байдлаар согтуугаар тээврийн хэрэгсэл жолоодсон 31 905 зөрчил бүртгэгдэж, үүний улмаас 90 хүн амь насаа алдаж, 227 иргэн гэмтсэн байна. Согтуугаар тээврийн хэрэгсэл жолоодсон зөрчил өнгөрсөн оны мөн үеэс 23.9 хувиар өссөн бөгөөд жолоодох эрхээ хасуулсан үедээ машин барьсан 2269 жолооны үнэмлэхгүйгээр согтуугаар жолоодсон 2662 зөрчил илэржээ.

Тээврийн цагдаагийн албанаас согтуугаар жолоо барих нь 2.7–14 сая төгрөгийн торгууль, эсвэл 6 сараас 3 жил хүртэл хорих ялтайг анхааруулж, иргэдийг архи, согтууруулах ундаа хэрэглэсэн үедээ жолоодохгүй, мөн бусдыг жолооны ард суулгахгүй байхыг уриалж байна