Улаанбурхан өвчний нийт тохиолдол 13,697 болжээ

Улаанбурхан өвчний мэдээ 2025 оны 12 дугаар сарын 17-ны байдлаар

Халдварт өвчин судлалын үндэсний төвөөс улаанбурхан өвчний нөхцөл байдлын шинэчилсэн мэдээллийг танилцууллаа. Өнөөдрийн байдлаар шинээр батлагдсан тохиолдол бүртгэгдээгүй, нас баралтгүй байна.

Одоогоор улсын хэмжээнд улаанбурхан өвчний нийт батлагдсан тохиолдол 13,697 хүрээд байна. Үүнээс 11,358 нь Улаанбаатар хотод, 2,334 нь орон нутагт бүртгэгджээ. Нийт 11 хүн нас барсан тохиолдол бүртгэгдсэн байна.

Эмнэлгийн тусламж, хэвтэн эмчлүүлэлт

Одоогоор 6 хүн эмнэлэгт хэвтэн эмчлүүлж байгаа бөгөөд гэрийн хяналтад байгаа хүн бүртгэгдээгүй байна. Хэвтэн эмчлүүлж буй иргэдийн:
• Хөнгөн хэлбэр – 0
• Дунд – 2
• Хүнд – 0
• Нэн хүнд – 0

Орон нутагт эмчлүүлж буй 4 хүний:
• Дунд – 3
• Хүнд – 1

• 10–14 насныхан хамгийн өндөр буюу 5,120 тохиолдол
• 0–4 нас – 3,197
• 5–9 нас – 1,775
• 15–19 нас – 1,735
байгаа нь хүүхэд, өсвөр насныхны дунд өвчлөл өндөр хэвээр байгааг харуулж байна.

Гадаад улсаас зөөвөрлөгдсөн тохиолдол

Нийт 5 зөөвөрлөгдсөн тохиолдол бүртгэгдсэн байна.

Эрүүл мэндийн байгууллагын зөвлөмж

Эрүүл мэндийн байгууллагаас улаанбурхан өвчнөөс сэргийлэх хамгийн үр дүнтэй арга бол вакцинжуулалт болохыг онцолж, “2 тун вакцин – 3 давхар хамгаалалт” уриалгыг дахин санууллаа. Улаанбурхан, гахайн хавдар, улаануудын эсрэг дархлаажуулалтад бүрэн хамрагдахыг иргэдэд зөвлөж байна.

Write to О. Аззаяа