Монгол–Оросын аж үйлдвэрийн хамтын ажиллагааны хамтарсан Ажлын хэсгийн VI хуралдаан боллоо

Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын Аж үйлдвэрийн хамтын ажиллагааны асуудлаарх Монгол, Оросын хамтарсан Ажлын хэсгийн VI хуралдааныг зохион байгууллаа.

Хуралдааныг нээж Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв үг хэлсэн бөгөөд ОХУ-ын Аж үйлдвэр, худалдааны дэд сайд Михаил Николаевич Юрин хамтран удирдан явуулав.

Хуралдаанаар Монгол, Орос хоёр улсын аж үйлдвэр, уул уурхай, хөдөө аж ахуй, зам тээвэр, хүнд болон хөнгөн үйлдвэр, хими, металлург, нийтийн аж ахуй, стандартчиллын салбарын харилцаа, хамтын ажиллагааны асуудлаар санал солилцож харилцан мэдээлэл өгөв.

АҮЭБЯ, ГХЯ, ХХААХҮЯ, ЭЗХЯ, ЗТЯ, Нийслэлийн Засаг даргын Тамгын газар, Стандарт, хэмжил зүйн газар, Эрдэнэс Монгол ХХК-ийн удирдлага, холбогдох албан тушаалтнууд оролцож, тодорхой асуудлуудаар байр сууриа илэрхийлсэн.

Хуралдаанаар хэлэлцсэн асуудлаар талууд протокол үйлдэж гарын үсэг зурав.