Байгаль орчны хамтын ажиллагаагаа өргөжүүлэх талаар хэлэлцлээ

БАЙГАЛЬ ОРЧИН, УУР АМЬСГАЛЫН ӨӨРЧЛӨЛТИЙН САЙД Б.БАТБААТАР /2025.09.02/ КУВЕЙТ УЛСААС МОНГОЛ УЛСАД СУУХ ОНЦ БӨГӨӨД БҮРЭН ЭРХТ ЭЛЧИН САЙД МУТЛАК АЛЬ-ТУВАЙМЕРЫГ ХҮЛЭЭН АВЧ УУЛЗЛАА.

Монгол Улс, Кувейт Улс хооронд дипломат харилцаа тогтоосны 50 жилийн ой энэ онд тохиож байгаа бөгөөд хоёр орны байгаль орчны хамтын ажиллагаанд судалгаа шинжилгээ, биологийн олон янз байдлыг хамгаалах тэр дундаа зэрлэг амьтан ургамлын менежмент чухал байр эзэлдэг. Тиймээс байгаль орчны хамтын ажиллагаанд хоёр улс цаашид илүү нягт холбоотой ажиллах, цар хүрээг өргөжүүлэн хөгжүүлэх чиглэлд анхаарч байна.

Уулзалтын үеэр Элчин сайд Мутлак Аль-Туваймер хоёр орны хоорондох сайн харилцааны “Бэлэгдэл” болсон Кувейтын байгаль хамгаалах төвийн үйл ажиллагааг өргөжүүлж талаар байр сууриа илэрхийллээ.

Б.Батбаатар сайдын зүгээс Кувейт улс нь Монгол орны байгаль орчны салбарт идэвх санаачлагатай ажиллаж ирсэнд талархал илэрхийлээд Монгол Улсад 2026 онд зохион байгуулагдах Цөлжилттэй тэмцэх тухай НҮБ-ын Конвенцын талуудын бага хурлын 17 дугаар хуралдаанд Кувейт улс чухал байр суурь эзэлж оролцох учиртайг онцлов. Учир нь дипломат харилцаа тогтоосноос хойшхи түүхэн хугацаанд Монгол орны биологи, зэрлэг амьтан, ургамлын менежмент чиглэлд тогтвортой харилцааг эрхэмлэж хамтын ажиллагааг бэхжүүлж ирсэн нь ирэх онд болох СОР17 бага хурлыг зохион байгуулахад чухал хувь нэмэр оруулна гэж тодотгосон юм.

Уулзалтын төгсгөлд хоёр тал байгаль орчны хамтын ажиллагаагаа өргөжүүлэх талаар хэлэлцлээ.