ШИЙДЭЛ: “Элсэн баттерей” буюу дулаан хуримтлуурын технологи

Агаарын бохирдлыг бууруулах Үндэсний хорооны Ажлын албаны дарга С.Даваасүрэнд Бичура Энержи ХХК “Элсэн баттерей” буюу дулаан хуримтлуурын технологио танилцууллаа.

Тус компани агаарын бохирдлыг бууруулж, хүлэмжийн хийг багасгах, эрчим хүчний хүртээмжтэй ногоон шилжилтэд хувь нэмрээ оруулахаар “Элсэн баттерей” буюу дулаан хуримтлуурын технологийг боловсруулжээ.

Элсэн дулаан хуримтлуур нь нар, салхи зэрэг сэргээгдэх эрчим хүчээр үйлдвэрлэсэн эрчим хүчийг элс болон бусад түгээмэл тархацтай түүхий эдэд хуримтлуулж, төвлөрсөн дулаан, үйлдвэрийн халуун ус, уураар хангах шийдэл аж.

Тус хуримтлуурын дундаж температуур 600°C байх ба хэрэгцээнээс хамааран

60-130°C-ийн халуун ус

140-300°C-ийн халаасан агаар

400°C-ийн техникийн уур үйлдвэрлэж, хэрэглэгчдийг жилийн турш найдвартай эх үүсвэрээр хангах боломжтойг танилцуулав.