​Худалдааны салбарын борлуулалтын орлого 48.5 их наяд хүрчээ

Худалдааны салбарын борлуулалтын орлого 2025 оны эхний 9 сард 48.5 их наяд  хүрчээ. Энэ нь 2024 оны мөн үеийнхээс 289.8 тэрбум төгрөгөөр нэмэгдсэн байна.  Салбарын борлуулалтын орлогын 22.4 хувийг хүнсний бүтээгдэхүүн, 77.6 хувийг хүнсний бус бүтээгдэхүүний борлуулалт байна. Хүнсний худалдааны борлуулалт 10.9 их наяд төгрөгт хүрсэн байна. Энэ нь 2024 оны мөн үеийнхээс 572.7 тэрбум төгрөгөөр нэмэгджээ.  Жижиглэн худалдааны орлого 27.2 их наяд төгрөгт хүрсэн аж. Энэ нь 2024 оны мөн үеийнхээс 587. тэрбум төгрөгөөр нэмэгдсэн аж. Худалдааны салбарын борлуулалтын орлогын 86 хувь нь Улаанбаатар, 3.4 хувь нь Өмнөговь, 1.2 хувь нь Орхон, 1.3 хувь нь Дархан-Уул аймагт оногдож байгаа нь салбарын нийт борлуулалтын 91.8 хувийг бүрдүүлсэн байна.