IV улирлын төрийн албаны ерөнхий шалгалт эхэллээ

Энэ оны IV улирлын төрийн албаны ерөнхий шалгалт нийслэл болон 21 аймагт өнөөдөр нэгэн зэрэг эхэллээ. Төрийн албаны тухай хуульд зааснаар төрийн жинхэнэ албаны нөөцийг бүрдүүлэх зорилго бүхий ерөнхий шалгалтыг улирал тутам зохион байгуулдаг. Энэ улирлын ерөнхий шалгалтад улсын хэмжээнд 3072 иргэн бүртгүүлснээс 1506 нь Улаанбаатар хотод шалгалт өгөхөөр бүртгүүлжээ. Шалгалтыг нийслэлд энэ сарын 12-14-нд, Орхон аймагт 12-13-нд, бусад аймагт өнөөдөр зохион байгуулах юм.

 Нийслэл дэх шалгалтыг Яармаг дахь нийслэлийн нутгийн захиргааны цогцолборт зохион байгуулж буй бөгөөд өдөртөө таван ээлжээр, нэг ээлждээ 100 иргэн шалгалт өгөх боломжийг бүрдүүлжээ.