Х.Ганхуяг: Байнгын хорооны дарга гишүүдийг удирдана гэж юу байхдээ арай л муухай гүтгэж байна

УИХ-ын гишүүн Х.Ганхуяг энэ удаагийн улсын төсөв маш хүнд нөхцөл байдалд боловсруулагдаж буйг онцлов. Тэрээр “2026 онд бүх төрлийн төсвийн хөрөнгө оруулалтыг зогсоож, зөвхөн цалин, тэтгэвэр нэмэх чиглэлийн санал оруулж ирсэн. Хэрэв уг санал дэмжигдсэн бол бидний хэлэлцэж буй төсөв үндсэндээ задарч, батлах боломжгүй нөхцөл байдал үүсэх байлаа.

Хуулийн дагуу бид 11сарын 15-ны дотор улсын төсвийг батлах үүрэгтэй. Хэрэв хөрөнгө оруулалтгүй, зөвхөн тэтгэвэр, цалин, хөгжлийн бэрхшээлтэй иргэдийн тэтгэмжийг нэмэх төсөв батлагдсан бол ирэх онд инфляцын түвшин 20-иос дээш хувиар өсөхөөр тооцоолол гарсан байгаа. Тиймээс ийм төрлийн саналуудыг дэмжихгүй байхыг хүсэлт болгож хэлсэн юм.

Байнгын хороо болон ажлын хэсгийг удирдсан, чиглэсэн гэх мэдээлэл нь үндэслэлгүй бөгөөд уг асуудлаар гүтгэлэг тарааж байгаа нь харамсалтай. “Өнөөдөр би улаан өнгийн зангиа зүүсэн. Байнгын хорооны хурал эхлэхэд "улаан зангиа хараад эсрэг санал өгдөг бол өгч болно" гэлээ