Сэрэмжлүүлэг: Ихэнх нутгаар нойтон цас орж, халтиргаа гулгаа үүснэ

ЦУОШГ-аас цаг агаар муудаж гамшигт үзэгдлийн хэмжээнд хүрэх тухай урьдчилсан мэдээллийг өглөө. Тухайлбал,

• Энэ сарын 06-нд нутгийн баруун өмнөд хэсгээр,
• 07-нд төв, говь, зүүн аймгуудын ихэнх нутгаар,
• 08-нд нутгийн зүүн хойд хэсгээр ахиухан хэмжээний нойтон цас, цасан шуурга шуурах тул үзэгдэх орчин хязгаарлагдаж, зам даваа цасанд хаагдах, автозамд халтиргаа гулгаа үүсэх нөхцөл бүрдэж байгааг онцгойлон анхааруулж байна.

Улмаар цаг агаар муудаж гамшигт үзэгдлийн хэмжээнд хүрэх тул ЦУОШГ, ОБЕГ хамтран Хэвлэлийн хурал зарласан байна. Тухайлбал, өнөөдөр буюу 11-р сарын 5-нд 15 цагт Цаг уур, орчны шинжилгээний газрын 3 давхарын хурлын танхимд болно.