Б.Түвшин: Урсгал зардлаас 416 тэрбум төгрөг хасах боломжтой

УИХ-ын гишүүн Б.Түвшин зарчмын зөрүүтэй санал гаргаж урсгал  зардлаас 416 тэрбум төгрөг хасах боломжтой гэсэн тооцоог танилцууллаа.

Түүний хэлснээр, хэмнэлтээс гарах хөрөнгийг дараах байдлаар зарцуулах санал гаргасан байна.

Үүнд:
– Улсын хэмжээнд зайлшгүй шаардлагатай зам, дэд бүтцийн ажилд 30–40 тэрбум төгрөг,
– Хэдэн жилийн өмнө барьж эхлээд гүйцээгүй, балгас болох гэж буй барилгын ажлыг дуусгахад 1.4 тэрбум төгрөг зарцуулах,
– Ингэснээр нийт 50 орчим тэрбум төгрөгийг нийгэмд шаардлагатай төслүүдэд чиглүүлэх,
– Харин үлдсэн 350–360 орчим тэрбум төгрөгийг багш, эмч нарын цалингийн нэмэгдэлд зориулах нь зүйтэй гэж үзжээ.

УИХ-ын гишүүн Б.Түвшин “Хэмнэлт гаргасан төсвийг зөв чиглэлд, иргэдийн амьдралд бодитоор нөлөөлөх салбарт зарцуулах нь хамгийн оновчтой алхам” гэж онцлов.

Түүний гаргасан энэ зарчмын зөрүүтэй санал нь улсын төсвийн үр ашгийг нэмэгдүүлж, боловсрол, эрүүл мэндийн салбарын хүний нөөцийн үнэлэмжийг дээшлүүлэх зорилготой гэж үзэж байна.