Замын зөрчлийг мэдээлж, урамшуулал авах боломжтой

Автомашины зөрчлийг иргэдийн оролцоотой илрүүлэх боломж энэ сарын нэгнээс бүрдэж эхэлсэн. Тодруулбал, явган хүний зам, автобусны буудал дээр автозамын нэгдүгээр эгнээг хааж зогссон, автомашинаа зогсоолд бусдын хөдөлгөөнд саад болохоор байрлуулсан зөрчлийг иргэд зургаар баталгаажуулан, 102 аппликэйшнээр Замын хөдөлгөөний удирдлагын төвд илгээх юм.

Ингэснээр мэдээлэл илгээсэн иргэн ч урамшуулал авах юм. 20 мянган төгрөгийн торгууль ногдуулсан бол зөрчил мэдээлсэн иргэн 10-20 хувь буюу 2,000-4,000 төгрөгийн урамшуулал олгоно. Хэрэв зөрчил гаргасан жолооч торгуулиа хугацаандаа төлөөгүйгээс үнийн дүн өссөн бол урамшуулал өссөн дүнгээс тооцогдох юм байна.
Иргэдэд олгох урамшуулал нь НӨАТ-ын буцаан олголтын хугацаатай ижил байна.