Я.Содбаатар: Хуваагдсан хоёр талыг эвлэрүүлэх ажлын хэсгийн ахлагчаар Ч.Хүрэлбаатар ажиллана

МАН-ын Удирдах зөвлөл болон Бодлогын зөвлөлийн өргөтгөсөн хурал Тусгаар тогтнолын ордонд болж байна. Хурлын үеэр МАН-ын ЕНБД Я.Содбаатараас тодрууллаа. 

Тэрбээр, "Хуваагдсан хоёр талыг эвлэрүүлэх ажлын хэсэгт байгуулагдлаа. Ажлын хэсгийн ахлагчаар Ч.Хүрэлбаатар ажиллана" гэв.

Тэрбээр "УИХ-ын даргын томилгоо, УИХ дахь МАН-ын Бүлгийн даргын томилгоо гэх зэрэг олон асуудал парламентад үүсээд байна. Эдгээр асуудлуудыг шийдвэрлэх тодорхой ажлын хэсэг гаргалаа. Ажлын хэсэг бүлгийн хэмжээнд хоёр хуваагдаад байгаа асуудлыг түргэн хугацаанд шийдэж, нэгтгэх үүрэг чиглэлүүд авсан. Ажлын хэсэгт манай Удирдах зөвлөлийн гишүүд болон намын даргаар ажиллаж байсан ахмадууд багтсан. Ажлын хэсэг өнөөдрийн дотор хуралдаж, хоёр талт уулзалтуудыг хийж тодорхой шийдлүүдийг гаргана. Өнөөдрийн Удирдах зөвлөлийн хуралдаанаар дотоод зөрчил, томилгоонуудыг ярихаас гадна өнөөдрийн нийгэмд үүсээд байгаа асуудал, улсын төсвийг цаг хугацаанд нь батлах талаар хэлэлцлээ. Үүнээс гадна Ерөнхий сайд шатахууны хомсдол, гадна жагсаж байгаа багш, эмч нартай холбоотой мэдээллүүдийг өглөө. Улмаар эрх баригч хүчний хувьд ойрын хугацаанд шийдвэрлэх ёстой гэж үзэж байгаа. Бүлгийн даргын асуудлыг эцэслээгүй.

УИХ-ын даргын томилгоо өөрөө хуультай. Бид олон талаас нь ярьсан. Хоёр хуваагдаж, талцаад тодорхой хугацааг өнгөрөөсөн учир хоорондоо ойлголцох байх. Үүнд ажлын хэсэг тусална. Ахлагчаар Ч.Хүрэлбаатар ажиллана. С.Баяр, М.Энхболд, Ц.Нямдорж, Н.Энхбаяр гэх зэрэг төр нийгмийн зүтгэлтнүүд багтаж байгаа.

М