Сумын начин Э.Ганболд түрүүллээ

Сумын цолтой болон  залуу бөхчүүдийн 128 дахь удаагийн барилдаан амжилттай зохион байгуулагдлаа. Тус барилдаанд Увс аймгийн Баруунтуруун сумын харьяат сумын начин Э.Ганболд түрүүлж, Өмнөговь аймгийн Ноён сумын харьяат О.Учралбаяр үзүүрлэлээ.  Гуравт Баянхонгор аймгийн Жинст сумын харьяат, сумын заан О.Дондов шалгарсан байна.  Тавд Завхан аймгийн Эрдэнэхайрхан сумын харьяат, Эв Монгол клубын бөх, сумын заан Д.Нарантулга, Дорноговь аймгийн Улаанбадрах сумын харьяат, Эв Монгол клубын бөх, сумын заан Н.Батсуурь нар шалгарлаа.

Есөд Өмнөговийн заан С.Баярбаатар, Архангайн заан О.Цэрэнпунцаг, Завханы заан Б.Цэнд-Очир, Баян-Өлгийн заан Б.Жарданбек нар үлдэв.

"Үнэнч үзэгчдийн нэрэмжит дайчин барилдааны шагнал"-ыг Дорноговь аймгийн Улаанбадрах сумын заан Наранбатын Батсуурьд, "Уран барилдааны шагнал"-ыг сумын заан О.Дондовт улсын заан Ц.Гомбодоржийн охин Орхонсэлэнгэ, "Цолд ойрхон бөх"-ийн шагналыг сумын заан С.Баярбаатарт аймгийн заан Н.Жамьянсүрэнгийн ач охин, "Янжка'с терафи" ХХК-ийн захирал Д.Янжиндулам нар тус тус гардуулсан. олгосон юм.