Хэргийн газрын гурван зургийг дэлгэлээ

2024 оны зургаадугаар сард 20 настай Ц.Давгадорж нь 16 болон 32 настай эмэгтэйн амь насанд хэрцгийгээр халдсан жигшүүрт хэрэг гарсан. Түүнийг ШШГЕГ-ын харъяа хорих 461-р цагдан хорих төвд саатуулан шалгаж байна. 16 настай талийгаач охиныг хөнөөхөд хамт Н, Г гэх хоёр иргэн байсан. Тэднийг Нийслэлийн прокурор Янжиндулам, Баясгалан нар гэмт хэрэгтэн биш, харин ч хохирогч гэж үзсэн. Тэгвэл шүүхээс эдгээр хоёр иргэн хохирогч гэдэг нь баримтаар бүрэн дүүрэн тогтоохгүй байна, ахин шалга гэж гурав дахь удаагаа буцаасан. Харин талийгаач охины ээж О нь эдгээр хоёр прокуророор охиныхоо хэргийг шалгуулахгүй гэж өргөдөл гаргасан боловч хүсэлтийг хүлээн аваагүй байна. Тиймээс олон нийтэд хандаж, тусламж хүсч хэргийн газрын гурван зургийг дэлгэлээ. Талийгаач охинынх нь хажууд хөлөө ачаад цай уугаад сууж байгаа, инээж байгаа, өчигдрийн зураг бол чемоданыг хааж буй зургийг дэлгэлээ. Цаашид ямар зураг гарч ирэхийг таашгүй байна.  Зургийг хохирогч охины ээж О нь өөрийн цахим хуудсандаа 9-р сарын 12, 10-р сарын 4, 10-р сарын 18-ны өдрүүдэд нийтлэв.