Цэцэрлэгийн багш таван настай охиныг зодож гурван шүдийг нь гэмтээжээ

Нийслэлийн Сонгинохайрхан дүүргийн 271 дүгээр цэцэрлэгийн багш таван настай охиныг зодож гурван шүдийг нь гэмтээжээ. Энэ талаар хохирогч охины эцэг эх "Энэ сарын 14-нд өглөө хүүхдээ цэцэрлэгт нь хүргэж өгчхөөд өдөр Хархорин захаар явж байсан. Энэ үед утас дуугарсан. Охины маань цэцэрлэгийн багш залгаад "Танай охин улавч дээрээ тээглэж унаад шүд нь гэмтчихлээ" гэсэн. Үүдний доод шүд нь хөдөлсөн байсан нь унасан байх гэж бодсон. 40 минутын дараа цэцэрлэг дээр нь очиход ам дүүрэн нөжтэй, хувцас нь цус болчихсон байсан. Цэцэрлэгийн камерыг шүүх гэсэн боловч охин унасан газар камергүй гэж хэлсэн. Охин маань их цочролд орсон учраас ярьж чадаагүй. Тайвшруулаад асуухад багш урагш татаад унагасан гэж хэлсэн" гэв.