О.Алтангэрэл: Энэ хэрүүл хэзээ дуусах юм бэ

Улс төрийн хүрээнд үүсээд буй нөхцөл байдалтай холбоотой УИХ-ын гишүүн гишүүн О.Алтангэрэлийн байр суурийг тодрууллаа. Тэрбээр, "Энэ хэрүүл маргаан дунд багш, эмч нарын цалин нэмэх зэрэг цаг үеийн асуудлыг ярьж анхаарч байгаа хүн алга. Эрх баригчдын хагарал тэмцэл төрлүү орлоо. Эхлээд засгийн газрын асуудал яригдаж байсан, одоо Монгол улсын парламент руу орлоо. Монгол Улсын Үндсэн хуулинд Улсын Их Хурал бол төрийн эрх барих дээд байгууллага гээд заачихсан. Миний бие ч Засгийн газрын сайдаар ажиллаж байсан. УИХ-д хүндэтгэлтэй хандаж ирсэн, үе үеийн Засгийн газар ч ингэж ажиллаад ирсэн. Нэг намын даргын төлөөх тэмцэх парламентийн түвшинд хүрч хурцдаж байсан түүх байхгүй. Хамгийн хортой асуудал нь гадаа суулт хийж байгаа багш нар, тэтгэвэр нэмэхийг шаардаж байгаа ахмадуудад хариулт өгөх хүн алга, ордноор дүүрэн мэдэгдэл хийсэн л хүмүүс байна.

Миний хувьд ямар ч бичиг дээр гарын үсэг зураагүй. Гэхдээ надад нэг зарчим бий. Эрх баригчид өөрсдөө Засгийн газраа унагаая гээд явж байхад та нарын Засгийн газрыг унагаахгүй гээд өмөөрөхгүй гэдэг хатуу байр суурьтай байгаа. МАН-ын хэрүүл АН-д огт хамаагүй" гэх байр суурь илэрхийлсэн юм.