Б.Найдалаа: Би нэлээн бодсоны эцэст Ерөнхий сайдыг огцруулах бичигт гарын үсэг зурсан

УИХ болоод ЗГ-ын гишүүд хоёр тал болон УИХ-ын дарга болоод Ерөнхий сайдыг огцруулах бичигт гарын үсэг зурж эхэлсэн. УИХ-ын гишүүн Б.Найдалаа Ерөнхий сайдыг огцруулах бичигт гарын үсэг зуржээ. Тэрбээр, "Олон талаас нь ажиглаж байна. Судалж үзлээ. Суурь зарчимд тулгуурлан бодож тооцсоны эцэст   Ерөнхий сайдыг огцруулах бичигт гарын үсэг зурсан. Яагаад гэвэл Монгол улсын улс төрийн нөхцөл байдал сууриараа буруу байна. Нэгдүгээрт, Улс төрийн намын дотоод сонгууль зөв буруу эсэхээс үл хамаарч бусад намууд оролцмооргүй байна,  Хоёрдугаарт, Сонгуульд ялалт байгуулахад ахалж орсон, ард түмнээсээ сонгогдсон хүн Ерөнхий сайд байх ёстой. Энэ байхгүйгээс эргээд гажуудалд орж байна. Бас нэг болохгүй зүйл байна. Зарим томилгооны асуудал. Хууль зүйн сайд бодлого гаргадаг хүн байх ёстой болохоос биш прокурор биш, хэрэг шалгадаг биш, ялладаг ч биш, хэргийн матриалтай танилцдаг биш байх ёстой. Гэтэл иймэрхүү маягаар намынхаа дотоод асуудлыг төрийн асуудал болгодог, бусад намыг  татан оролцуулаад талцуулдаг ийм байдал байж болохгүй. Тэгэхээр энэ байдал битгий давтагдаасай гэж үзэж байгаа учраас одоогийн Засгийн газрыг огцрох нь зөв гэж үзэж байгаа" гэв.