​ МАН бүлгээ хуралдуулж чадахгүй болтлоо хагарлаа

Долоо хоног бүрийн даваа гаригт УИХ дахь намын бүлгүүд хуралдаж, долоо хоногт хэлэлцэх хууль тогтоомжууд дээр саналаа нэгтгэдэг, солилцдог. Гэтэл өнөөдөр УИХ дахь МАН-ын бүлэг хуралдаж чадсангүй. Хэзээ хуралдах талаараа хэвлэлийнхэнд тов мэдэгдсэнгүй. Өнөөдрийн байдлаар ҮАБЗ-ийн гишүүд хоёр талд гарч намаа хуваажээ. Хоёр тал хүч тэнцүү байгаагаас маргаан улам гүнзгийрч байна. Өнөөдөр УИХ-ын дарга Д.Амарбаясгалангийн талаас нэг мэдэгдэл, Ерөнхий сайд Г.Занданшатарын талаас хоёр мэдэгдэл хийж, хоорондоо хэвлэлээр хэрэлдэв.