Ө.Золбаяр: Ерөнхийлөгч ерөнхийлөгчийн засаглалтай болъё, дарангуйлал тогтооё гэж хүсээд байгаа зүйл огт байхгүй

МАН-ын Бага хуралд оролцохоор ирсэн Ерөнхийлөгчийн хэвлэлийн төлөөлөгч Ө.Золбаяр сэтгүүлчдийн асуултад хариуллаа. Тэрбээр, "Намын даргад нэр дэвшиж буй хоёр гишүүний аль нэгийг нь онцолж хэлж чадахгүй нь. Намын дүрмээ мөрдөж, дотоод эв нэгдлээ хангах хүн намын дарга болох хэрэгтэй. Хууль, шүүхийн байгууллагад улс төрчид нөлөөлөх явдлыг зогсоох ёстой. Өнөөдөр өвлийг дулаахан давах, цалин орлого нэмэгдэж, иргэдийн амьжиргаа дээшлэх чухал болохоос намын дотоод асуудал тийм ч сонин биш. Өнгөрсөн зургаадугаар сард МАН-ын бага хурлын гишүүдийн гуравны хоёрын саналаар Г.Занданшатарыг Ерөнхий сайдаар томилсон. Энэ бол де-факто шийдвэр гарсан гэсэн үг. МАН аливаа асуудалд төвийг сахиж шийдвэр гаргасаар ирсэн энэ удаад ч мөн адил тийм шийдвэр гарна бодож байна. 

Ерөнхийлөгчийн засаглалтай болгож, дарангуйлал тогтоох гэсэн санаархал байхгүй. Ерөнхийлөгч  хоёргүй утгаар чуулганаар байр сууриа илэрхийлсэн" гэв.