Х.Нямбаатар: Би Д.Амарбаясгалан, Б.Энхбаяр нарын хэрүүлд хариулт өгөх боломжгүй

МАН-ын Бага хурал эхэлж байна. Бага хурлын гишүүдээс МАН-д үүсээд байгаа асуудлын талаар тодруулж байна. Хотын дарга Х.Нямбаатар, "Намын дүрмэнд намын даргыг Бага хурлын гишүүдийн гуравны хоёрын саналаар сонгоно гэж заасан. Улс төрийн намуудын тухай хуульд ч мөн намын төлөөллийн байгууллага нь намын даргаа сонгоно гээд заасан байдаг.  Өнөөдрийн Бага хурлаар хоёр үндсэн асуудал шийдэгдэх байх. Нэгдүгээрт, намын даргын асуудлыг шийдэх байх, хоёрдугаарт, удахгүй хуралдах намын Их хурлын товыг зарлах гэдэг хоёр үндсэн асуудлыг хэлэлцэнэ. Хорь хоногт намаа тараангаа алдлаа. Энэ бол эдийн засаг, улс төрийн тогтворгүй байдал бий болгох эрсдэлтэй учраас яаралтай их хурлаа зарлаасай гэж бодож байна. Намын их хурлыг 45 хоногийн өмнө зарлах ёстой" гэв.