Л.Мөнхбаясгалан: Нэг сэтгүүлчийг барьж хорих асуудлыг МАН-ын дарга нар яриад сууж байдаг юм байна шүү дээ

МАН-ын даргын сонгуультай холбоотой тус намын нэр бүхий гишүүд  хэвлэлд мэдээлэл хийж буй нь нийгэмд ойлгомжгүй байдлыг бий болгоод байна. Монгол улсад хууль засаглаж буй эсэхэд эргэлзээд буй энэ үед АН-аас сонгогдсон УИХ-ын гишүүн Л.Мөнхбаясгалан мэдээлэл хийлээ. Тэрбээр, "Нэг сэтгүүлчийг барьж хорих асуудлыг МАН-ын дарга нар яриад сууж байдаг юм байна. Энэ нам цэвэршээгүй тохиолдолд 1937 оны хэлмэгдүүлэлт дахиад болно. МАН даргаа сонгох гэж ийм их гэмт хэргүүдийг илрүүлж гаргаж байгаа юм чинь үүний цаана бугшсан маш олон гэмт хэрэг байгаа. Ийм намыг улс төрийн институт гэж болохгүй. Энэ нам сандал ширээгээ булаацалдаад ирэхээрээ нэгнийгээ барьж хорьдог юм байна. Гэмт хэрэгт хутгах хүмүүсийнхээ нэрсийн жагсаалтыг АТГ-т өгчихсөн байдаг юм байна" гэлээ.