Д.Амарбаясгалан: Д.Амарбаясгаланд санал өгөх гэж байгаа Бага хурлын гишүүд дээр хавтаст хэрэг нээх гэж үзсэн

Улсын их хурлын дарга Д.Амарбаясгалан цаг үеийн асуудлаар хэвлэлийнхэнд мэдээлэл өгч байна. Улс төрийн нөхцөл байдлын талаар тэрбээр ноцтой мэдэгдлүүдийг хийж байна. Энэ үеэр түүний хэлсэн үгнүүдээс ишлэвэл, 

Асуудал байвал надтай ярь. Ямар ч сэжүүргүйгээр хүнийг барьж хорьчхоод чи Амарбаясгалантай ямар холбоотой юм гэж эрүүдэн шүүх хэрэггүй. АТГ надтай ярь

Ерөнхий сайд Г.Занданшатар энэ Ерөнхийлөгч чинь бүрэн эрхээ дахин сунгах гээд байна гэж Л.Оюун-Эрдэнийг ерөнхий сайд байхад хов хэлээд явж байсан хүн шүү дээ

Ц.Чулуунзагдыг барьж хориод намайг айлгана гэж бодсон. Би ийм зүйлд айж зогсдог улстөрч биш. Надад илүү том зориг, зорилго бий

Я.Содбаатар, Б.Батцэцэг, Ж.Энхбаяр, Б.Энхбаяр нарын хүмүүс хов зөөж, хутган үймүүлж, намаа хагаралдуулж голоо зогоож байна

Г.Занданшатар "МАН хос даргатай больё" гэдэг санал тавьж байсан. Хоёулaa суугаад шийдвэр гаргадаг байж болохгүй гээд би эсэргүүцсэн

Төрийн нууц хадгалах ямар ч үүрэггүй сэтгүүлч Н.Өнөрцэцэгийг "Төрийн нууц хадгалсан" гэж ялласан. Бид ямар нийгэмд амьдраад байна вэ

Би Б.Энхбаярыг Электорат эвслээс нэр дэвших гээд явж байхад нь намаас нэр дэвшүүлж байсан. Цаанаас том даалгавартай надтай муудаж байгаа байх

Д.Амарбаясгаланд санал өгөх гэж байгаа Бага хурлын гишүүд дээр хавтаст хэрэг нээх гэж үзсэн. Ийм дарамт үзүүлэх бол тултлаа үзнэ гэдгийг би Я.Содбаатарт хэлсэн

Би хүнээрээ байж найзласан найздаа ядаж муу хэлүүлэхгүй амьдрахсан гэж боддог. Тэр ч утгаар би Бага хурал дээр Л.Оюун-Эрдэнэтэй өнөөдөр ч маргааш ч хамт гэж хэлсэн. Улс төрийн хувьд бидэнд санал зөрдөг зүйл бий

Сэтгүүлчид бүгд айдастай байна. Дарамтанд байгаа талаар олон сэтгүүлч надад хандсан