Б.Чойжилсүрэн: Би лам авчирч ном уншуулаагүй

Дулааны гуравдугаар  цахилгаан станц ТӨХК лам нараар ном уншуулж , засал хийлгэсэн гэх мэдээлэл цахим орчинд гарсан юм. Энэ талаар Эрчим хүчний сайд Б.Чойжилсүрэнгээс тодрууллаа. Тэрбээр, "Намайг лам авчирч ном уншуулсан мэт баахан шуугилаа. Нэгдүгээрт, тийм зүйл болоогүй гэдгийг хэлье. Хоёрдугаарт, манай цахилгаан станц алдагдалтай ажиллаж байгаа ч ажилчид маань өвлийн бэлтгэл, хангамжаа сайн хийж хариуцлагатай ажиллаж байна. 2014 оноос эхлээд уламжлал болгоод 9 дүгээр сарын 15-нд халаалтын улирал эхлэх үеэр ном уншуулдаг байсныг нь шинэ удирдлага нь үргэлжлүүлэн заншил болгон зан үйл хийсэн нь үнэн.  Ардчилсан нийгэмд хүний шашин шүтэх, эс шүтэх эсэх нь өөрсдийх нь асуудал. Миний зүгээс тийм чиглэл өгөөгүй,  боль ч  гэж хориглоогүй" гэсэн юм.