Б.Жаргалсайхан : Наад хууль чинь батлагдаагүй, зүгээр л санал авч байгаа л процесс

D-Parliament дээр татварын хуулийн төслийг тавьж, иргэдээс санал авч байгаа. Энэ талаар Б.Жаргалсайхан "D-Parliament дээр татварын хуулийн төслийг тавьж,  явц нь бөөн хэрүүл шуугиан. "ХХОАТ-ыг 10, 15, 20 хувийн шатлалтай болгож, ард түмнээ мөлжих гэж байна” гэнэ үү. Хөөрхий минь, аль хэдийн 2022 оноос хойш 10, 15, 20 хувиар шатлалтай мөлжүүлж байгаагаа ч мэдээгүй. Х.Ганхуягийн боловсруулсан энэ шинэ өөрчлөлт дунд уг нь шуугиад байгаа хүмүүсийн талд ашигтай өөрчлөлт харагдах л юм. Гэхдээ нэг л шуугиад эхэлсэн бол нэмэргүй л дээ. Шуугилдсаар байгаад булж дуусна. Мэдээлэлгүй хүмүүсээс мянган дэмий хөөрөл гарч шуугиан болдог жишээ энэ юм. Зул сарын гахайгаа хэдийнэ алдчихсан мөртлөө, гахайгаа шалгаж үз гэсэн хүнийг “чи хулгайч” гээд дайрдаг Иваний үлгэрийг санагдуулаад байна. Уг нь наад хууль чинь батлагдаагүй, зүгээр л санал авч байгаа л процесс. Сэтгэл хөөрлөөр биш, эрүүл ухаанаар хасахыг нь хасаад, дэмжихийг нь дэмжээд, тийм бол тийм, үгүй бол үгүй гээд л саналаа өгцгөөгөөч. Сонгуулиар санал өгөх боломжоо албатай юм шиг мөнгөөр зарчихна. Хуулийн төсөлд санал өгөх боломжоо зүгээр л хэрүүлийн самбар болгочихно. Яачихсан юм бэ та нар чинь" гэлээ.