​Засгийн газрын Хяналт хэрэгжүүлэх газар, Монголын бүтээмжийн байгууллагатай хамтран төрийн байгууллагын төгөлдөршлийн тогтолцоо, гүйцэтгэлийн үнэлгээ, Азийн загвар байгууллагын төлөвшүүлэх төслийг хэрэгжүүлж байна

Засгийн газрын Хяналт хэрэгжүүлэх газар, Монголын бүтээмжийн байгууллагатай хамтран төрийн байгууллагын төгөлдөршлийн тогтолцоо, гүйцэтгэлийн үнэлгээ, Азийн загвар байгууллагын төлөвшүүлэх төслийг хэрэгжүүлж байна. Үүний хүрээнд Азийн бүтээмжийн байгууллага, мэргэшсэн олон улсын зөвлөхүүдийг урьж, төгөлдөршлийн тогтолцооны аргачлалаар үнэлгээ хийх, түүнд дүн шинжилгээ хийж, цаашид тасралтгүй сайжруулах, бүтээмж чанарыг дээшлүүлэх арга хэмжээг системтэйгээр хэрэгжүүлнэ. 

Салбартаа сайн туршлагаа түгээн дэлгэрүүлэх зорилготой загвар байгууллага болохоор Нийслэлийн Засаг даргын Тамгын газар, Улсын хоёрдугаар төв эмнэлэг, Чингэлтэй болон Сүхбаатар дүүргийн Нийгмийн даатгалын хамрагдаж байна. Төслийн эхний үе шат болох төрийн байгууллагын төгөлдөршлийн тогтолцооны долоон талбараар нотолгоонд суурилсан үнэлгээ хийхэд техникийн дэмжлэг үзүүлэхээр АББ-ын зөвлөх Гая Гордон, хөтөлбөрийн зохицуулагч Мд Танвир Файсал нар Монголд наймдугаар сарын 04-07-ыг хүртэл ажиллаж байгаа юм. 

Эдгээр загвар байгууллага тус бүр тодорхой төрийн үйлчилгээний төслийг хэрэгжүүлж, төрийн байгууллагын тасралтгүй сайжруулалтын соёл төлөвшүүлэх, төрийн үйлчилгээ илүү үр дүнтэй, иргэдэд ээлтэй, ил тод болгох жишиг тогтоож, сайн засаглалыг төлөвшүүлэхэд бодит хувь нэмэр оруулаад зогсохгүй олон улсын тавцанд өрсөлдөх чадвараа нэмэгдүүлэх юм.