О.Алтангэрэл: 10 ээжийн 2-3 нь арай гэж тэтгэлгээ авдаг

ХЗДХЯ-ны сайд О.Алтангэрэл "Хүүхдийн тэтгэлгийн асуудал хүнд байна. 10 ээжийн 2-3 нь арай гэж тэтгэлгээ авдаг. Бусад нь авч чадахгүй байна. Тухайлбал, тэтгэмжээ өгч чадахгүй зугтдаг, хаяг дээрээ байдаггүй, ажил хөдөлмөр эрхэлдэггүй хүмүүс байна. Герман улс гэхэд төрөөс сан байгуулаад хүүхдийн тэтгэлгийн асуудлыг 100 хувь шийдэж байна. Нөгөө этгээдээс төр заавал авна, бүх үйлчилгээг нь хязгаарлана. Өөрийнхөө үр хүүхдийн асран тэтгэх үүргээ хүлээж чадахгүй байгаа бол төр бусад эрхийг нь хязгаарлана. Тухайлбал, И-Монголиа системээс лавлагаа авах, төрийн албанд ажилд орох, зээл авах, гадаад зорчих эрхийг нь хаана. Хүүхдийнхээ өмнө үүргээ биелүүл, үгүй бол төрөөс бүх хязгаарлалт хийнэ. Өрөө төлдөггүй, шүүхийн шийдвэрийг гүйцэтгэдэггүй хүмүүст хариуцлага тооцно. Банкыхан  шүүхийн шийдвэр гүйцэтгэх хууль батлагдвал зээлийн хүүгээ бууруулах бололцоотой гэж хэлсэн" гэв.