УИХ-ын нэгдсэн чуулган өнөөдөр 12:00 цагт хуралдана

УИХ-ын нэгдсэн чуулган өнөөдөр /2025.06.12/-нд 12:00 цагт хуралдана. МАН-ын ерөнхий нарийн бичгийн дарга Я.Содбаатар Ерөнхий сайдад Г.Занданшатарыг томилох саналыг Ерөнхийлөгчид Даваа гаригт /2025.06.08 хүргүүлсэн юм. Ерөнхийлөгч У.Хүрэлсүх Үндсэн хуулийн 39.2 дахь хэсэгт заасны дагуу Г.Занданшатарыг Ерөнхий сайдаар томилох саналаа УИХ-д орууллаа. УИХ-ын нэгдсэн чуулганаар уг асуудлыг хэлэлцэх хуулийн заалттай учир  өнөөдөр ТББХ-ны хуралдааныг /10:00/ цагт хуралдуулахаар шийдвэрлэсэн юм. ТББХ-ны хуралдааны дараа Ерөнхий сайдаар томилох асуудлыг УИХ хэлэлцэн шийдвэрлэнэ.

УИХ-ын нэгдсэн чуулганы өнөөдрийн хуралдаанаар Ерөнхий сайдын томилгоог хэлэлцэхээс гадна “Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төсөл /Засгийн газар 2025.05.16-ны өдөр өргөн мэдүүлсэн, соёрхон батлах, үргэлжилнэ/

   Хот байгуулалтын тухай хууль /Шинэчилсэн найруулга/-д нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Алдаржавхлан 2025.05.02-ны өдөр өргөн мэдүүлсэн, хэлэлцэх эсэх, асуулт, хариулт 120 минут/

 Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2024.12.27-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/ -үүдийг хэлэлцэх юм.