Аймгийн хурц арслан Н.Амгаланбаатар түрүүлэв

Монгол Улсын арслан Б.Яндааг алдаршуулах Хэнтий аймгийн Дархан сумын нэрэмжит Улс, аймаг, цэргийн цолтой хүчит 112 бөхийн барилдаан боллоо.  Дундговь аймгийн Эрдэнэдалай сумын харьяат, аймгийн хурц арслан Н.Амгаланбаатар түрүүлж, Сэлэнгэ аймгийн Цагааннуур сумын харьяат, Улсын арслан Б.Орхонбаяр үзүүрлэв.

Дөрөвт Архангай аймгийн Хашаат сумын харьяат, "Алдар" спорт хороо, ЗХ-034 анги, Залуу Ноёд ХХК, "Бөхбилэгт" дэвжээний бөх, улсын заан С.Сүхбат, Архангай аймгийн Хотонт сумын харьяат, "Сүлд" спорт хороо, Хатант Интернэшнл ХХК, УСУГ, "Бөхбилэгт" дэвжээний бөх, улсын начин Э.Мөнхжаргал нар шалгарлаа. Долоод аймгийн хурц арслан Д.Алтанцоож, аймгийн арслан Б.Батдорж, аймгийн арслан М.Цэрэн нар үлдсэн юм.