Э.Мөнхбаатар бадрангуй чимэг нэмлээ

Цэргийн цол чимэг олгох Бүх цэргийн наадам амжилттай зохион байгуулагдлаа. Тус барилдаанд аймаг, цэрэг, сумын цолтой, чансаа өндөр 256 бөх зодоглосон юм. Говьсүмбэр аймгийн Сүмбэр сумын харьяат, аймгийн хурц арслан Энхтөрийн Мөнхбаатар түрүүлж, бадрангуй чимэг хүртсэн бол Хөвсгөл аймгийн Бүрэнтогтох сумын харьяат, аймгийн арслан Энхтөрийн Баасанжав үзүүрлэж, гарамгай чимэг нэмэв.

Дөрөвт Ховд аймгийн Мөст сумын харьяат, аймгийн арслан Ц.Төмөрцоож /цогт чимэг/, Увс аймгийн Тэс сумын харьяат,  аймгийн арслан Б.Өсөхбаяр /цогт чимэг/ нар шалгарлаа.

Наймд үлдэж шөвгөрсөн аймгийн арслан А.Нармандах /өрнөх/, аймгийн заан Б.Бадамдорж /өлзийт/, аймгийн заан Б.Баянсүх /өрнөх/, аймгийн начин Б.Бат-Эрдэнэ /өсөх/ чимэг тус тус нэмэв.