Нийтийн тээврийн үйлчилгээний 20 чиглэлийн цагийг урагшлуулжээ

Нийслэлийн авто замын ачааллыг бууруулах, албан хаагчдын ажлын бүтээмжийг нэмэгдүүлэх зорилгоор нийслэлийн төр, захиргааны байгууллагуудын ажлын цагийн хуваарьт зохицуулалт хийжээ. Тухайлбал, ажлын цагийг 07:00 цагт эхлүүлж, 16 цагт тарахаар зохицуулалт хийсэн байна.

Энэ хүрээнд нийтийн тээврийн үйлчилгээний 20 чиглэлийн өглөөний эх авалтын цагийг урагшлуулжээ. Тодруулбал, Зунжин худалдааны төв, Архивын ерөнхий газар, Нисэх, Найрамдал, Шарга морьт, Налайх, Зүүн салаа, Тоосгоны үйлдвэр зэрэг хотын төвөөс зайдуу 20 чиглэлийн цагийн хуваарийг урагшлуулсан байна.

Түүнчлэн дараах гурван чиглэлд өдөр бүр шөнийн тээвэр 22:00-02:00 цагийн хооронд 1000 төгрөгөөр үйлчилж байна хэмээн Нийтийн тээврийн бодлогын газраас мэдээллээ. 

1. ШҮ:1 "5 шар-Офицеруудын ордон"
2. ШҮ:2 “Сүхбаатарын талбай-Нисэх”
3. ШҮ:3 “Зунжин худалдааны төв-Сүхбаатарын талбай”