Нийслэлд 321 мянган цэцэг тарина

Хүйтний ам цаашилж хөхүүрийн ам наашилсан энэ өдрүүдэд хотын ногоон байгууламжид өнгө үзэмж цэцэг тарьж эхлээд байна. Энэ жил 20 байршилд 15 нэр зүйлийн 321 мянган цэцэг суулгахаар төлөвлөж байгаа юм. Өнгөрсөн жилтэй харьцуулахад цэцгийн тоо бараг дөрөв дахин буурч 879 мянган цэцэг цөөрчээ. Өнгөрсөн жил нийслэлд 1.5 сая цэцэг тарихаар төлөвлөж 1.2 сая цэцэг тарьж байлаа.

Энэ жилийн тухайд нийтийн эзэмшлийн байршилд үндэсний хэв шинжийг агуулсан, гурван хэмжээст цэцэгт байгууламж хий юм байна. Тус байгууламжуудад мандарваа, хун, хилэн зэрэг цэцгийг сонгожээ. Хийцлэлийн хувьд мазаалай, бөхөн, үхэр тэрэг, оньс, эрхий мэргэн, тахь зэрэг сэдэвтэй байх аж.
Харин иргэдийг ухамсартай байж, тарьсан цэцгийг хайрлаж гамтай байхыг УБЗАА-ны Хотын ногоон байгууламж, цэцэрлэгжүүлэлтийн хэлтсийн дарга Н.Отгонбаяр уриалсан билээ. Сануулахад, өнгөрсөн зун нийслэлийн төв талайд лили, алтанзул зэрэг цэцэг тарьсан ч шөнө нь хүмүүс хулгайлах тохиолдол гарч байжээ