Алга болсон 800 вагоны учир: Хоорондоо түрээслээд олдог ашгийг Б.Дэлгэрсайхан таслан зогсоожээ

Энэ оны хоёрдугаар сараас “800 вагон хаачсан нь тодорхойгүй алга болсон” тухай мэдээлэл хөвөрч байсныг санаж байгаа байх. Тухайн үед Зам тээвэр хөгжлийн сайд Б.Дэлгэрсайхан “Улаанбаатар төмөр зам ХНН-т түрээсгүй ашиглуулж байгаа” гэж тайлбарласан байдаг. Үүнээс “Б.Дэлгэрсайхан, Х.Хэрлэн нарын хуйвалдаанаар вагонуудыг УБТЗ-д өгчихлөө” гэх хардлага үүсжээ. Гэтэл нарийн учир өөр.

Б.Дэлгэрсайхан Зам, тээврийн сайд болсноос хойш вагоны түрээсийг таслан зогсоосон нь олон хүний дургүйг хүргэсэн бололтой. Тодруулбал, “Монголын төмөр зам” болон “Тавантолгой төмөр зам” компаниудын вагоны ихэнх нь полувагон буюу нүүрс, төмрийн хүдэр, нурмаг, үйрмэг ачаа тээвэрлэх зориулалттай. Гэвч эдгээр байгууллагуудын үе үеийн дарга нар нь мэр сэр түрээсэлж мөнгө олдог байжээ.

Иймд тушаал гарган хориглосноор олдог ашгийг нь таслан зогсоочихсон аж. Ингэхдээ төрийн өмчит компаниудын 660 вагоныг татаж “УБТЗ” ХНН рүү цахилгаан станцууд руу нүүрс болон Эрдэнэтийн зэсийг тээвэрлэхэд явуулахыг үүрэгдсэн байна. “Та нар төрийн өмчит компанийг удирдахдаа хоорондоо вагон түрээслэхгүй. Төр нэг халааснаасаа нөгөө халаас руугаа өмчөө хийдэг, дарга нар нь дундаас нь ашиг олдог байх ёсгүй” гэсэн аж.

Үлдсэн 200 тавцант вагоны хувьд 42 жил явсан тул насжилт нь дуусаад, нүүрсэнд ч явахад хүндрэлтэй болжээ. Өдгөө “Тавантолгой төмөр зам” руу явуулж. Татан буугдсан тул вагонууд нь “Монголын төмөр зам” компанид очсон байх боломжтой.

Тэгэхээр Зам тээврийн сайдын хувьд нүүрс ачих вагоныг нь УБТЗ-д өгсөн нь буруугаах аргагүй үйлдэл. Мөн цахилгаан станц руу нүүрс тээвэрлэж буй вагонуудыг дугаараар нь шалгачихад үнэн мөн нь гараад ирэх ажээ.