Н.Учрал: Төрийн ажилд завсарлага гэж огт байхгүй

УИХ-ын гишүүн, ЗГХЭГ-ын дарга Н.Учрал "Өчигдөр Засгийн газрын хуралдаанаар 22 асуудлыг шийдсэн. Цаг хугацааны асуудал тасралтгүй явна. Төрийн ажилд завсарлага гэж огт байхгүй. Би Засгийн газрын хэрэг эрхлэх газрын даргын хувьд ажлаа явуулж байна. Тиймээс өнөөдөр ажил хэвийн үргэлжилж байна. Их хурлын тамгын газар хууль зүйн дүгнэлтээ гаргах байх. Засгийн газрын зүгээс хуулийг газар дээр нь боловсруулна. Ерөнхий сайд бүрэн эрхийнхээ хүрээнд өргөн мэдүүлсэн асуудал байгаа юм. Тиймээс Их хурлын тамгын газар дүгнэлтээ гаргана, байнгын хороогоороо хэлэлцээд хууль зүйн дүгнэлтээ гаргана. Би хууль зүйн дүгнэлт хийхгүй" гэлээ.