Монголыг төлөөлж ДАШТ-д 18 жүдоч барилдана

Унгарын нийслэл Будапешт хотод жүдо бөхийн насанд хүрэгчдийн эрэгтэйчүүдийн 38, эмэгтэйчүүдийн 29 дэх удаагийн Дэлхийн аварга шалгаруулах тэмцээн зургадугаар сарын 13-20-нд болно. Тэмцээнд 83 орны 491 тамирчин өрсөлдөхөө мэдүүлсэн бол манай улсаас нийт 18 жүдоч барилдана. Тодруулбал, тэмцээний эрэгтэйчүүдийн ангилалд,

• 60 кг-ын жинд Э.Ариунболд, К.Ёолк,
• 66 кг-д Ё.Басхүү, Б.Эрхэмбаяр,
• 73 кг-д Л.Анхзаяа, О.Уранбаяр,
• 81 кг-д О.Шинэбаяр
• 100 кг-д Б.Хүдэрчулуун,
• +100 кг-д Б.Гончигсүрэн нар барилдах бол

Харин эмэгтэйчүүдийна ангилалд,

• 48 кг-д Г.Наранцэцэг, Ж.Анударь,
• 52 кг-д Л.Сосорбарам,
• 57 кг-д Т.Ариунзаяа,
• 63 кг-д Л.Энхрийлэн, Б.Ганхайч,
• 70 кг-д Д.Есүй, Б.Ням-Эрдэнэ,
• 78 кг-д А.Адъяасүрэн нар зодоглохоор тогтжээ.

Түүнчлэн холимог багийн төрөлд Ц.Ган-Эрдэнэ (90 кг), Д.Номинзул (+78 кг) нар оролцоно.

Дашрамд дурдахад, Монголын жүдочид ДАШТ-ээс нийт 28 медальтай ба зургаан түрүүтэй юм. Монголоос жүдо бөхийн ДАШТ-ий анхны хүрэл медальтан нь Д.Баттулга (1989 он), анхны мөнгөн медальтан О.Балжинням (1989 он), анхны алтан медальтан нь Х.Цагаанбаатар (2009 он) бол отгон медальт нь Б.Баасанхүү билээ.