Л.Гантөмөр: Манай нам гэрээгээ зөрчөөгүй

Ардчилсан намын дарга Л.Гантөмөрөөс цаг үеийн асуудлаар тодрууллаа. Тэрбээр, "МАН маш хариуцлагагүй шийдвэр гаргалаа, улс орноо бодсонгүй. Хоёрдугаарт, гүтгэлгээ зогсоох хэрэгтэй.  Гүтгэлэг хийх тусам төрийн үйл хэрэгт халтай. Ч.Лодойсамбуу, Ж.Баярмаа нар элдэв юм яриад байна гэдэг шалтгаанаар засаг огцорно гэж юу байдаг юм. Үгээ хэлдэггүй их хурлын гишүүн гэж юу байх юм. МАН-д цаашид шударга шүүмжлэл хэлэх УИХ-ын гишүүд төрнө шүү дээ, тэр болгонд засгаа огцруулаад байх уу. Тийм юм байхгүй. УИХ-ын гишүүнийг амыг барих заалт гэрээнд байхгүй. Бид хийх ажлаа хэрхэн гүйцэтгэх, аль намын ямар бодлогыг хэрэгжүүлэх тухай л гэрээ хийсэн. Хөгжлийн төлөө зориг гаргая гэж нэгдсэн. Тиймээс "АН гэрээгээ зөрчлөө гэдэг гүтгэлгээ зогсоо" гэж МАН-аас шаардаж байна.  Яагаад засгийг огцруулах болсон жинхэнэ үнэнийхээ талыг ч гэсэн хэл. МАН-ын олонх нь хэдхэн сарын өмнөх үзэл санаанаасаа ухарч, хуучин төрхөө харуулж байна. Ямар ч итгэлгүй болж байна. Гэхдээ би намынхнаас Монгол Улсын эрх ашгийг улдан эсэргүүцсэн зүйл хийхгүй байхыг намынхнаасаа хүснэ.  Манай улс төр ард түмнээ дандаа хорлож байдаг. Улстөржиж гарсан шийдвэр дандаа буруу байдаг. Бид 35 жил хэрэлдлээ. Улс маань ямар байна, үүндээ дүгнэлт хийгээд хамтарсан Засгийн газар байгуулсан. 

Манай нам хагарч бутраад явчихгүй байх, эвлэж нэгдээд явах ёстой. Хамтарсан засаг сая харууллаа шүү дээ.  Хамтарсан засаг бол хэцүү юм байна. Өөр үзэл бодол соёлтой хүмүүстэй хамтраад явахад олон сорилт байдаг юм байна. Үүний нэг адил манай намд ч мөн олон ургалч үзэл бий.  Тэр бүгдийг нэгтгэж авч явна гэдэг амар зүйл бол биш. Салах, зодолдох, муудах амархан ч нэгдэх бол амар биш, улс орны эрх ашгийг бодоосой гэж бодож байна" гэв.