Ч.Лодойсамбуу: Засгийн газрыг авч үлдэхийн тулд хоёр триллион төгрөг зарцуулна гэсэн асуудал яригдаж байна

УИХ-ын гишүүн Ч.Лодойсамбуу "Монгол Ардын намын бага хурлаас нэг шийдвэр гарлаа гэж төсөөлье. Ингээд цаашид хамтарсан Засгийн газаргүй шийдвэр гарлаа, Ерөнхий сайд ажлаа өгөх шийдвэр гарлаа гэж бодъё. Ямар нэгэн байдлаар шийдвэр гарахад парламент руу орж ирнэ. Парламент дээрээ конофоороо тогтоон барих боломжтой гэж үзээд их хэмжээний мөнгөний сураг сонстож байна. Засгийн газрыг авч үлдэхийн тулд хоёр триллион төгрөг зарцуулна гэсэн асуудал яригдаж байна.   Хэдий нам нь шийдсэн ч гэсэн эцсийн шийдвэрийг УИХ гаргана. Жишээ нь Ерөнхий сайд ажлаа өглөө гэж бодоход УИХ үүнийг заавал хэлэлцэнэ. Их хурал дээрээ хэлэлцэхдээ конофоороо аваад үлдэх байх. Мөнгө тарааж байгаа нь шинэ сонин зүйл биш. 2018 оны Засгийн газар шиг санагдаж байна. Засгийн газар огцрох гээд ЖДҮ-ийн асуудлыг гаргаж тавьсан. үүнээсээ хамгаалахын тулд 900 сая төгрөг хуваарилаад нэг тэрбум төгрөг тараасан гэдэг. Энэ жишгийн дагуу худалдан авах ажиллагаа их явж байна. Би намынхаа нөхдийн ажил хийе гэсэн хүсэл эрмэлзлийг хүндэтгэж байгаа. Намын дарга, гишүүний ажил хийх хүслийг давуулаад Монголын ардчилал, эдийн засаг, хүний эрх суурь зарчмыг унагааж байгааг эсэргүүцэж байна" гэлээ