Хууль бусаар оршин сууж байсан БНСУ-ын иргэнийг албадан гаргажээ

3,2 жил хууль бусаар оршин сууж байсан БНСУ-ын иргэнийг албадан гаргажээ. Баянгол дүүргийн нутаг дэвсгэрт үйл ажиллагаа явуулж буй аж ахуйн нэгж, байгууллагуудад төлөвлөгөөт бус шалгалт явуулж, Бүгд Найрамдах Солонгос Улсын иргэн K нь Монгол Улсад оршин суух зөвшөөрлийн хугацааг 1171 хоног (3 жил 2 сар 16 хоног) хэтрүүлэн, хууль бусаар оршин сууж байсныг илрүүллээ.  

Тухайн гадаадын иргэнд Зөрчлийн тухай тухай хуулийн дагуу торгох шийтгэл ногдуулж, Гадаадын иргэний эрх зүйн байдлын тухай хуулийн дагуу гурван жилийн хугацаанд орох эрхгүйгээр Монгол Улсаас албадан гаргалаа. 
Мөн уригч байгууллага “Эсү интернэйшнл” ХХК-ийг Зөрчлийн тухай хуулийн 16.2 дугаар зүйлийн 4 дэх хэсгийн 4.2-т зааснаар торгох шийтгэл оногдуулсан байна.